HOME STAGING

Zerbitzuak

Etxe orok du potentziala eta distira egiteko modu asko. Horregatik, eraldatzeko bide desberdinak eskaintzen ditugu: irtenbide sinpleak, proiektu sakonak edo jabetza baten balioa handitzeko diseinatutako proposamenak. Zuretzako egokiena dena aurkitzea nahi dugu.

Aholkularitza

Zure beharrak entzuten hasiko gara: zer lortu nahi duzun, zerk ez duen guztiz funtzionatzen eta espazio ideal hori nola irudikatzen duzun. Hortik abiatuta, espazioaren aukera errealak aztertzen ditugu eta proposamen pertsonalizatua diseinatzen dugu, estetika, funtzionaltasuna eta zentzuzko erabilera uztartuz.

Ondoren, behar duzun xehetasun-maila aukeratu dezakezu gure hiru modalitateen artean:

1. Oinarrizkoa

2D/3Dko proiektua eta proposatutako diseinuaren renderrak sartzen dira: distriuzioa, koloreak, material generikoak eta giro orokorra. Aukera ezin hobea lehen eta ondorengo egoera ikusteko eta norabide estetiko argi bat zehazteko.

2. Osoa

2D/3D proiektua, renderrak eta proiektua gauzatzeko beharrezko jarraibide guztiak biltzen dituen txosten zehatza sartzen dira. Gremioek aurrekontua egin eta obra zehaztasunez gauzatu ahal izateko pentsatutako dokumentua da.

3. Premium

2D/3D proiektua, renderrak, txosten zehatza eta aukeratutako materialen, altzarien eta dekorazio-elementuen erreferentziak sartzen dira. Diseinua, inprobisaziorik gabe zehazki erreproduzitzeko aukerarik osatuena.

Aurrez aurrekoa: guk neurketak, argazkiak eta bideoa egiten ditugu.

Online: plano sinple bat eta espazioaren argazkiak edo bideoa bidaltzea besterik ez duzu behar. Zure beharretara egokitzen gara, prozesua erraza, argia eta zure erritmoan izan dadin.

Erreforma integralak

Eraldaketa sakona bilatzen duzunean, gure erreforma integrala zerbitzua da egokiena,  hasieratik amaierara laguntzen dizu. Hasierako diseinutik gremioen koordinazio osoa arte, fase bakoitza koherentziaz, kontrolaz eta lasaitasunez aurrera joan dadin arduratzen gara.

Zure ideiak proiektu sendo eta gauzagarri bihurtzen ditugu, beti ere zure lehentasunak, aurrekontua eta bizimodua kontuan hartuta.

Gure konfiantzazko gremioekin lan egin dezakegu edo zuk proposatzen dituzun profesionalekin koordinatu, eta erosketen prozesu osoaz arduratu edo bertan lagundu, nahi duzun inplikazio-mailaren arabera.

Relooking

Relooking-a gela bat eraldatzeko modu aproposa da erreforma integraletan sartu gabe. Itsura aldaketa bat da, praktikoa, sortzailea eta merkea. Dagoeneko duzuna ahalik eta gehien aprobetxatzen saiatzen gara, elementu berriekin konbinatuz eta zure etxearen energia berrituz inbertsio handirik gabe.

Prozesu hau parte-hartzailea izatea gustatzen zaigu, zuk hala nahi baduzu. Aldaketaren parte izatera gonbidatzen zaitugu: espazioak nola optimizatu ikastera, potentziala duten piezak nola berrerabili, bizia ematen duten koloreak nola aukeratu eta nortasunez betetako giro koherente bat nola lortu.

Zerbitzu bat baino gehiago da: zure etxearekin konektatzen zaituen esperientzia bat da.

Batzuetan kolore on bat aukeratzea nahikoa da; beste batzuetan ordea, altzariak berrantolatu, detaile txikiak gehitu edo dagoeneko badituzuen piezak elementu paregabean bihurtzea beharrezkoa da. Helburua zure etxeari itsura berritu bat ematea da… zuk zailtasunik sentitu gabe.

Home Staging

Etxebizitza bat ondo aurkezten denean, dena aldatzen da. Bisita gehiago, balioaren pertzepzio hobea, negoziazio gutxiago eta salmenta edo alokairu prozesu askoz arinagoa. Horixe da Home Staging-aren funtsa: espazio bat prestatzea, lehen begiratuan bertara sartzen denarekin konektatu dezan.

Badakigu erabakia segundo gutxitan hartzen dela. Horregatik lantzen dugu gela bakoitza bere indarguneak azpimarratzeko, zabaltasun sentsazioa sortzeko, argitasuna hobetzeko eta etxe giro atsegin bat eraikitzeko. Helburua da bertara sartzen denak bere burua han bizitzen irudikatzea. Gure ikuspegia praktikoa, estetikoa eta estrategikoa da: oreka bilatzen dugu aurkezpen neutro baten —edonorrek bere burua espazioan irudikatu ahal izateko— eta emozioak pizten dituen giro goxo eta zaindu baten artean.

Home Staging-a mota guztietako etxebizitza eta espazioetara egokitzen da: bizi den etxe bati azken ukituak ematetik hasi, hutsik dauden etxebizitzetan kartoizko altzariak edo atrezzoa erabiliz benetako potentziala erakusteraino. Era berean, etxebizitza pilotuak, apartamentu turistikoak eta irudi erakargarriago eta profesionalagoa nahi duten bulegoak ere lantzen ditugu. Proiektu bakoitza arreta handiz eta emaitzetara bideratutako begiradaz jorratzen dugu.

Emaitza argia da: etxebizitzek nabarmenagoa dute presentzia higiezinen atarietan, interesa handiagoa sortzen dute eta bisita gehiago jasotzen dituzte denbora gutxiagoan. Kalitatearen pertzepzioa igotzen da, eta espaziora sartzen diren pertsonek lotura emozionala sortzen dute harekin. Horrek salmenta eta alokairu azkarragoak eta baldintza hobeagoko negoziazioak ekartzen ditu. Lehen inpresioa behin bakarrik gertatzen da — eta guk ahalik eta onena izan dadin laguntzen dizugu.

Formakuntza

Formakuntza gure lanaren jarraipen naturala da: ikasitakoa partekatzea, beste pertsona batzuek espazioak irizpidez, sentsibilitatez eta segurtasunez eraldatu ahal izan ditzaten. Esperientzia errealetik, praktikatik eta emozioetatik irakastearen indarrean sinesten dugu, horrela hazi baikara gu ere.

Oraingoz, gure Home Staging ikastaroa eskaintzen dugu. Mundu honetan hasi nahi dutenentzat zein zerbitzu hau modu profesionalean eskaini nahi dutenentzat oinarri sendoa eraikitzeko diseinatutako formakuntza da. Bertan gure metodologia, lan-prozesuak eta benetako etxebizitzetan aplikatuz ikasitako guztia partekatzen dugu: espazio bat nola aztertu, gela bakoitza nola prestatu, eszenaratze eraginkor bat nola sortu eta Home Staging-aren balioa nola transmititu.

Horrez gain, laster argia ikusiko duten formakuntza berriak prestatzen ari gara. Gure formakuntza-arloa haztea nahi dugu, ikasteko, inspiratzeko eta aukera profesional berriak deskubritzeko topagune bilaka dadin.

Taldea

Nekane eta Idoia gara, ekintzaileak eta bidelagunak. Gure indarrak eta gaitasunak batzea erabaki genuen 360faktoria sortzeko, eta ordutik elkarrekin hazten jarraitzen dugu, proiektu bakoitzean gure onena emanez.

Elkar osatzen gara: batek duen begirada bestearenarekin aberasten da, eta ideiak partekatuz irtenbide berriak sortzen ditugu. Guretzat taldelana ez da soilik antolaketa kontua; konfiantza, entzutea eta sormen partekatua da. Prozesua bera gozatzen dugu, eta uste dugu ilusio hori eta gure arteko sintonia nabari direla egiten dugun lan guztian.

Gure asmoa da konfiantza transmititzea eta gurekin lan egiten duten pertsonak motibatzea. Sinesten dugu elkarlanetik, konpromisotik eta grinatik emaitza bikainak lor daitezkeela. Proiektu bakoitza aukera bat da gure energia bateratua eta ikuspegi partekatua praktikan jartzeko, bertan bizi diren pertsonekin konektatzen duten espazioak sortuz.